KOT NASIKOT

VaAllah nuk e di a ia vlen me shkrujt a mos me shkrujt edhe per kete fenomenin e paradoksit origjinal tipik shqiptar kur aty per aty e kontradiktojm vetem, instant! 

Me sabah, ama bash heret me sabah me del nje video prej ketyre te neveritshmeve ku gazetar/e per efekt koti pyesin qytetar kot, e keta te ngratit pastaj edhe ma kot ia fusin hepten, hemen kot, kur pergjigjen.

Del nje tip, me mustaqe, kot nasikot hyn llugave edhe fillon me perplot insinuata, emocione te perziera me urejtje te thell, inorance te dukshme, nevri qe i ben tamam vetem frustrimit te nje te padituri, pas pyetjes: "Cili eshte urimi juaj per Bajram!?" ... fillon e ofendon dhe stigmatizon xhamia, klerik, dhe me klishe anatemime perzien muhabetin, turqia, serbia, shqipria, armiq, 500 vjet, e perplot ... perralla me mbret!

Edhe paradoksin origjinal, tipik te frustruar e gjene ne komente, te tipit:

[Një m*t, xhamiat...më m*t, kishat. Kishat nuk promovojnë mësimet e Perëndisë...por urrejtje ndaj shqiptarëve...dhe feve të tjera/...pra/kanë lëngë/serbo/grek. Vetëm Flamuri shqiptarë është fe e pastër.]

[Keto hoxhallar duan Gjeneral Abaz Kupi...hixha ikishtë than cssht ajo sorr per shkaben dy krensre ...ja kishte numru plumbat ballit...]

[Te lumt goja ,te rrosh sa malet.]

[Plaku shume intelegjente, I lumte, keshtu te gjithe te mendojne, Zot shperbleje zotriun.]

[Rrespekt i nderuar shum mir e ke po sidomos për Mazllam Mazllamin hogjë i shitur po sorboArabë që anashkalon ofendoi flamurin kombëtarë.]

Abe tullusum, komedi, cirkus! Kot dhe plot share te videos kur e shef. Tipi qe pergjigjet ashiqare eshte nje ateist, anarkist, nihilist e cka mos tjeter, nga ana tjeter ky tjetri prej n'korner n'komet e uron: "Zoti te bekoft bac"!!! Abe, llom!!! Kot! Saber! Gerdi!

SANDOKAN

SANDAKTASH

Sot nje dite e mrekullueshme me miq dhe shok, ne nje shteg per mua i pa eksploruar deri me sot nga Leunova (Mavrove) ne drejtim te rafshenaltes Sandaktash ne pikun e naltesise mbi 1900 metra lartesi mbi nivelin e detit dhe nje gjatesi ecjeje ne total rreth 20 km.

E gjith kjo e organizuar si pjese e aktiviteteve tani me tradicionale ne kuader te asaj qe njihen si "Takimet e Rekes" nen moton, marshi "Sandaktash 2023"!

Shtegu i cilesuar si mesatar per nga veshtersia e ngjitjeve dhe kushteve pergjat shtegut, qe ne realitet ishte si i tille, por qe ne fakt ishte shume i lehte kur ne shoqerim ishin te gjithe njerez te mire, dashamire, esnaf, profesionist, miq dhe shoke, te gjithe adhurues te natyres dhe kultivues te vleres per vete qellimin qe organizohen keto evenimente.

Organizimi ishte skajshmerisht profesional nga organizatoret dhe bartesit e detyres te udheheqesve apo guidave te realizuar nga Shoqata e Bjeshkatareve "NIVISHTA", te cilet me pergjegjesi maksimale u perkujdesen qe gjithcka te shkoj ne rregull kundrejt nevojave dhe pergjegjesive qe kerkohen nga organizatoret.

Qe e gjithe kjo te jete edhe nje mirenjohje publike me shume konsiderat do ti permendi personat per aq sa une jam ne dieni qe kontribuan drejtpersedrejt ne kete dite te mrekullueshme, me sa vijon, gudine qe udhehiqte marshin qe nuk me kujtohet emri, Tafen, Bekimin, Bradhylin, Refkiun, pastaj, Ismailin per mikepritjen fantastike ne ambientet e shtepise ku u shtrua dreka tradicionale nga Shoqata "Reka e Eperme" pas kthimit, kuzhinjeret dhe ata qe bene izmet dhe plot te tjere qe sigurisht kane merita shume me shume se sa qe une jam ne dieni.

Mirenjohje gjithashtu per gjiithe pjesmarsit qe kontribuan per nje harmoni te merkullueshme, me sjelljen e mire dhe korekte te ndersjellte, qe kontribuan ne ruajtjen e ambientit duke u perkujdesur maksimalisht per pastertin e ambientit, si dhe nje dashuri pa fund per dostat e mi, Hasimin, Xheskun, Arianin dhe Sadatit! Love for ju pipell!

MOTIV AFRIKA

A MUNDESH VEÇ!?

Ne bised e siper edhe sot me sabah ne kafe me miq, spontanisht rrjodhen evokim kujtimesh nga femirija qe ne tavolin sollen momentet nga notimi ne kenetat e Gostivarit, ne veret e nxehta aty nga mesi i viteve te '80 te shekullit te kaluar!

U rikujtuan momentet e kurioziteteve te para kur njoftohesha me boten e stripit dhe vizita e rregullt e trafikave per te kapur ne dore edicionet e hershme dhe i gjithe ai emocioni qe ndjehej kur njoftoja boten imagjinare te krijimtarist artistike dhe letrare italiane dhe boterore.

Sidomos me vone pasi qe arrita te zotroj mjaftueshem gjuhen serbo-kroate, kur dal ngadal filloj zhytja ne detin pa bregdet te teorive dhe konspiracioneve te ndryshme si tema qe trajtoheshin ne revistat ARKA dhe TRECE OKO, apo fillimi i njohjes me boten e kriimtarise letrare beletristike me historit e Dok Holidej, Vajat Erp, Shejn, Ninja dhe shume e shume storjet tjera.

U sollen kujtime nga momentet e para te luajtjes basketball te Partizani dhe e gjithe euforia e baskedboll mania qe shenonte ate peridhen e permendur me larte, nje periudhe me plot miqesi te reja por edhe ndonje armiqesi apo rivalitet tek-tyk!

Sigurisht plot momente kurioze qe sot njeri i rritur i kujton sepse jane kujtime, a, jane kujtime sepse i kam perjetuar, sidomos ne ato momente femirore i cili vazhdimish eshte rritur. Momente qe ndoshta atehere saktesisht nuk i kam perjetuar si qe sot i kujtoj me nostalgji, por pa dyshim qe jane momente plot kujtime qe me kane skalitur, pa dyshim fare!

Monemete qe, sot e di sakt se jane shoqeruar me mungesa plot dhe skamje te theksuar, por ama moment qe jane jane mbijetura dhe rrjedhimisht jane perjetuar maksimum, keshtu duke vendos temlin i cili sot mban fort sa te duash, ...a mundesh veç te ngritesh!!?

CHIFT

PLIS

Ta thelloj muhabetin mbi statusin qe e bera ne fejsbuk: "sot ne trojet tona, vetem lodraxhit e mbajn plisin perdit, a neve vetem kur bojm filma!!!!?" ...i shoqeruar me emoji qe nenekupton keqardhje.

Ky emocion mu shfaq ne keto dy tre ditet e fundit, ku me rastisi qe te kaloj aty nga qendra e qytetit te Gostivarit ku ne trotuaret e parkut gjenden shtande (tezga) ku shiten flamur shqiptar, maica me shqiponje dhe rekfizite tjera kuq e zi, si mall per tregti qe behet nga pronar te biznesit te komunitetit rom.

Ekonomi e lire, tregti dhe biznes per nga natyra legjitim, nuk e di sa eshte ligjor konform ligjeve ne fuqi dhe normave qe percaktojn ate qe njihet si ekonomi e zeze, por kjo ketu nuk eshte poenta, keshtu qe ketu aspak nuk ka te bene me ate se kush po eksploaton si biznes ide gjithe ate qe njihet si simbolik e identitetit tone shqiptar, por e gjitha ka te bej me faktin qe neve si pjestar te keti identiteti e kemi tjetersuar thuajse teresishte simboliken pervec se kur e bejm thjesht per folklor apo per motive momentale, edhe deni llajk ose motive politike.

Kjo ne fakt me beni shume pershtypje, pak me trishtoj, kur ne nje paradreke te hershme aty ne qender, kishin dalur ne trotuar rreth 30 lodraxhi e sulraxhi, per te kapur pazarin, te gjithe, nje per nje te veshur me brez laraman, me jelek te qendisur me shqiponje dhe thuajse te gjithe mbanin plisin mbi koke, ...asnjeri shqiptar!

Ju drejtova vetes, me plot cinizem: "hajde tash be burri botes, a ta mban ta vendojsh plisin ne koke edhe te hecish sokaket dhe rruget e Gostivarit ashtu krejt gjyks, a ta man'!!!?" ... challenge, a ta man' edhe ty!!!!!!!?

Edhe tani ju vetem paramendoni, nje dite te me mbushet mendja, une me plis e mjeker e bardhe te shkoj te mbaj ligjerat ne Universitet, do nxihet tu qesh kush t'm shohe, ose, sa here qe dal te kafja une me plis, atraksion, do te qeshe kush do mbrrine, ose, paramendoni me biciklet e me plis tu shku n'xhami, xhemati do ti kerkoj pauz muezinit ta vonoj ikametin deri sa ta marre veten, se "haj tash ky çish do te na kallzoj!!!?" ...haj tash!?

Ah, sa tradit e shtrejt dhe te cmuar jemi duke e tjetersuar!? Vetem dhe vetem pse jemi duke dalldis pas frizurave dhe komplekseve qe ia kemi ngarku vetes duke mos arrit ta plotsojm veten me vetveten dhe duke e kerku vlere te tek tjeter qe nuk kane vlera as per vete, haj tash!! Ah, plisi!

DARK BLUE

INTRIGA

I bie se eshte bere shume e zakont dhe tersisht normale qe njeriu ne te njejten kohe kur bisedon te flas per dicka bindeshem dhe aty per aty te jete i vetedishem se ai me te cilin bashkebisedon e kupton se ai nuk i beson, dhe te vazhdoj sikur krejt normale te insistoj te bisedoj duke e dite absolutisht se ai as vete nuk i beson vetes sepse e din qe po rrene ose te gjithe muhabetin e ka broçkulla!!!?

Kjo, sepese gjithashtu eshte bere shume e zakonshme te insistoj(m) ne shmangjen e vemendjes me cdo kusht nga percendrimi tek vetja duke insistuar me cdo kushte qe me veprime diversante dhe lloj-lloj formule te shperqendrojm vemendjen kudoqofte diku tjeter, per aq sa nuk jemi neve pika e synimit te problemit, pa cka qe neve e dime me vetedije qe problemi ne fakt jemi neve vete.

Prandaj neve ne tavolina i perfolim tjerit, u pikim ne qafe personaliteteve publike, sepse nè, te ngratit i kemi bindur qe te jene imun ndaj kritikes sepse, "ata jane personalitete publike", dhe se neve "atyre mund tu kerkojm llogari", ne te njejten kohe duke mos mbajt aspak llogari per faktin, qe ne fakt "neve i zgjedhim ata" qe me vone, "ti lutim ata", qe kur te deshtohet ne plotesimin e kerkesave tona, sepse vete nuk angazhohemi sa duhet, qe "ti kritikojm ata"!

Sidoqofte ky eshte kontesti, ...mungesa e gadishmerise qe te veprohet me pergjegjesi, te flitet me pergjegjesi, te zotohemi me pergjegjesi, te mbajm llogari, per fjalen e thene, per kohen e harxhuar, te veten dhe te dikuj tjeter, te reflektojm per rolin tone konform profilit qe e ndertojm karshi tjereve te ngjashem si neve, e te tjera konstatime logjike ne kete kontekst.

Sepse, nuk ka asnje logjike qe te pritet qe eventualisht te kthjellohet puna, te zgjidhet problemi, te kullohet mendimi, te rahatohet shpirti nese neve ne cdo moment e mjegullojm veten dhe tjetrin, nese neve konstant e ndotim ambientin, jo vetem ekologjik, nese neve me vetedije e kontaminojm me shpifje dhe insinuata ndergjegjen e jone dhe te tjetrit, me egzagjerime te turli lloji dhe me makiacione deri te ato djallezore, nese neve vazhdimisht e shperqendrojm pergjegjesin e jone karshi gjithe asaj qe e kritikojm thuajse neve jemi "zoti vete" dhe se gjithcka tjeter ndaj nesh eshte mekat i madh"! Nuk mundet, mos behemi delinxhi!!!

GREEN CONFUSION

LEVICA

Ne teorin politike koncepti i ideologjise majtiste (levica) ne politike eshte nje perspektive e orientuar kah marredheniet shoqerore, ekonomike dhe politike, qe thekson perkrahjen e barazise sociale, drejtesise sociale, dhe nderhyrjes shteterore per te korrigjuar jo-barazine ne shoqeri.

Nje qellim kryesor i majtizmit eshte te permbushe barazine sociale. Kjo perfshin perpjekjet per te zvogeluar ndarjen midis te pasurve dhe te varferve dhe per te krijuar nje shoqeri me te drejte dhe me perfshirje me te gjere popullore 

Per te arritur barazine dhe drejtesine sociale, majtistet perkrahin nderhyrjen e shtetit ne ekonomi. Kjo mund te perfshije politika sociale, si pagesa e ndihmave sociale, shendetesia publike dhe arsimi falas, dhe rregullime per tregun e punes.

Majtistet theksojne diversitetin dhe vlerat e kulturave te ndryshme, dhe jane perkrahes te politikave qe inkurajojne bashkejetesen e paqesore dhe harmonine midis grupeve te ndryshme etnike, religjioze dhe kulturore, ...pervec keta te levices te Apazievit!!!!?

Majtistet zakonisht jane perkrahes te sindikatave dhe te drejtave te punetoreve. Ata shpesh promovojne kushte te punes te mira, pagesa te rritura, dhe mbrojtje ligjore per punetoret.

Majtistet jane te interesuar, me se paku deklarativisht, per ruajtjen e mjedisit dhe shpesh mbeshtesin politika per zbatimin e energjise se paster dhe reduktimin e ndotjes se ambientit.

Keto jane vetem nje pershkrim shume i shkurt konceptual i ideologjise majtiste, dhe natyrisht, ndryshime dhe dallime tjera mund te gjenden ne vende dhe kontekste te ndryshme politike, varesisht ku dhe nga kush zbatohen.

CURIOSITY

KUISLING

Tradhetia gjithmon ka emer, prandaj termi qe perdoret per te pershkruar nje person te cilit i mungon integriteti dhe krenaria, dhe qe tradheton besnikerine ndaj vendlindjes, kombit apo ndonje ideali te rendesishem eshte "kuisling". Termi eshte shpikur nga emri i Vidkun Kuisling, nje politikan norvegjez qe bashkepunoi me forcen e pushtuesve gjermane gjate Luftes se Dyte Boterore.

Kuislingu shfaqet si nje person qe ndihmon nje force e cila ka pushtuar territorin e tij kombetar ose po kundershton interesat e kombit dhe popullit te tij per hir te perfitimeve personale, pushtetit, apo favorizimit te nje fuqie te huaj. Nje kuislingu kryen aktet e tij te tradhetise ne dem te identitetit kombetar, kultures dhe vlerave te vendit te tij, dhe zakonisht eshte shperfilles ndaj vuajtjeve te popullit te tij per hir te intereseve personale.

Keto veprime te kuislingut shpesh konsiderohen te turpshme dhe te neveritshme nga komuniteti i tij dhe mund te kene pasoja te renda per shoqerine dhe te ardhmen e vendit te tij.

Ne pergjithesi, kujdesi per te ruajtur integritetin kombetar dhe vlerat e popullit eshte nje vlere e rendesishme per nje shoqeri te qendrueshme dhe te pajtueshme. Keshtu, termi "kuisling" perdoret per te stigmatizuar ato sjellje qe tradhtojne kete pergjegjesi ndaj identitetit dhe vlerave kombetare. 

Tash me tutje mendonje ju a u vjen ndermend donje person i cili i ploteson keto karakteristika, dhe qe ju me bindje mund ta kualifikonit si kusiling, kolaboracionist, tradhetar, hajn e mizivir!

DIVIDE

BABA

Sot nëna, pasi qe gatujti ushqimin ku, i madhe e i vogel hengrem me shume lezet, te gjithe te kenaqur, te ngopur, kush sa kishte nevoj, elhamduliah me gaz ne buze, sekush shkoj ka kishte deshire. Une vazhdova te qendroj edhe pak me nënën, me iden qe te shkruaj postin per sot.

Duke rregulluar enet, nëna evokonte kujtime, dhe me beni pershtypje qe e kishte iden e qarte se kur dhe si ka ardhur ndonje ene karakteristike qe gjindej aty ne kuzhinen ku gjindeshim per momentin. 

Pervec tjerave, me terhoq vemendjen me nje konstatim kur me tha se: "keto pjata i kemi mbi 30 vjete!" Une ne moment nuk e pashe per cilet pjata e kishte fjalen, sepse isha pak larg, por thash vete me vete, sepse nuk desha ta ngallmoj: "po jane 30 vjet sepse Ai qe i ka blejt i ka blejt me para hallall, na ka ushqyer me ushqim hallall!" ...kujtova çfar BABA hallall kam pas! Elhamduliah!

Baba, qe nuk me la' miliona, ne fakt plot sende nuk me la', ama ma la' BOTEN, me la' nderin trashigimi, me la' faqen e bardhe, me la' bereqetin e hallallit, me la' punen, guximin, dijen, me la' vllezerit, motren, me la' dere e voter, me la' pjatat nga ku jemi dhe akoma ushqehemi me HALLALL! Elhamduliah o Allah bene BABEN banor i Xhennetit dhe gjithe pasardhesit e tij pauses te rruges se hakrit. Amin!

Ka shume gjera qe nuk dua ti shkruaj sepse e di qe nuk mund ta qelloj mjaftueshem konform merites qe duhet per BABAN tim, i vetedishem qe cdokush çmon dhe duhet ta çmoj baban e vete! Gjithe kjo si nje deshmi qe perdofton ate qe shkrujta ne diten kur ndroj jeta Baba: 

"The Last Stand of The KING!

Njeri qe nuk do ta mbajm zí kurr, por do perkujtojm sejeta! BABA!"

BRUSHING

PANCHO VILLA

Qe mos shkruj per gjera qe nuk i marr vesh, qe ndodhin ketu tek neve koheve te fundit, do te shkruaj sot, si intermeco per Panço Villen qe dikush kurr nuk ka degjuar per ate, sagllam.

Pancho Villa (Rafael Antonio Díaz) ishte nje figure e njohur e Revolucionit Meksikan dhe nje lider revolucionar i njohur per sulmet dhe ngjarjet e tij te fuqishme ne luften civile te Meksikes. Lindur ne nje familje te varfer, ai u be nje simbol i kauzes per te drejtat e fermave dhe varferine e mergimtareve.

Pas nje konflikti personal ne vitin 1910, Pancho Villa u bashkua me forcat e emiliano Zapata dhe Francisco Madero ne luften kunder diktatures se Porfirio Diaz. Ky ishte fillimi i nje revolucioni masiv qe do te rrezonte regjimin e vjeter dhe do te sjelle ndryshime rrenjesore ne Meksike.

Si nje strateg i shkelqyer ushtarak, Villa ishte nje udheheqes karizmatik dhe nje organizator i talentuar. Ai fitoi mbeshtetjen e masave te medha me premisen e ndarjes se tokes dhe te pasurise nga elitat te korruptuara. Fushatat e tij te suksesshme ushtarake arriten nje ndikim te madh ne politiken dhe luften civile ne vend.

Megjithate, si shume lidere revolucionare, Villa nuk arriti te konsolidonte fuqine e tij pas fitores. Ndergrupet e fuqishme rivale dhe ndikimi i fuqishem i huaj shkaktuan konflikte te brendshme dhe tensione. Villa vazhdoi te luftonte per shume vite, por fuqia e tij u dobesua gradualisht.

Ne vitin 1923, Pancho Villa u vrá ne nje sulm te papritur me arme zjarri ne qytetin Parral, Chihuahua, ne mosh 45 vjeçe, edhe pas vdekjes, ai mbetet nje ikone e fuqishme e Revolucionit Meksikan dhe nje figura e rendesishme historike per kombin e tij. Pancho Villa mbetet simboli i deshires per drejtesi dhe liri per shume njerez ne Meksike dhe me gjere.

LISHAJKA

MAFIA

Mafia eshte nje term qe perdoret per te pershkruar nje organizate kriminale te strukturuar me qellim te perfitoj. Emri "mafia" eshte shpesh i lidhur me kriminalitetin e organizuar dhe aktivitetet ilegale qe perfshijne trafikun e droges, armeve, vrasjeve, mashtrimeve financiare, shantazheve, dhe krimet e tjera te renda. Pershkrimi dhe origjina e konceptit te mafias kane nje histori te ndryshme, ku termi eshte perdorur ne kuptime te ndryshme neper histori dhe kulturat e ndryshme.

Origjina e mafias ka prejardhje nga vendi i Italise. Ka shume teori dhe legjenda rreth krijimit te kesaj organizate, por nje nga teorite me te njohura eshte ajo e lidhjes se saj me nje shoqate te fshehte ne Sicili, Itali, e njohur si "Cosa Nostra", qe do te thote "Kjo eshte puna jone" ne gjuhen italiane. Mafia u formua ne shekullin e 19-te dhe ka pasur nje rol dominues ne krimet e organizuara te territorit te saj per shume shekuj.

Struktura e mafias eshte hierarkike dhe e organizuar me kujdes. Ajo perfshin nje grup individesh te cilet operojne ne menyre te fshehte dhe kane nje sistem te caktuar te ligjeve dhe rregullave qe ndjekin. Ne krye te hierarkise ndodhet nje "don" ose nje kryetar, i cili eshte udheheqesi kryesor dhe me i fuqishmi. Pastaj, ka struktura hierarkike me te uleta qe perfshijne "kapo" (udheheqesit te nivelit te dyte) dhe anetare te tjere qe kryejne detyrat e ndryshme.

Mafia konsiderohet si nje entitet shume i mbyllur dhe i fshehte, dhe anetaret e saj kerkohen te respektojne nje kodi te rrepte te zakoneve dhe te ndjekin rregullat e organizates. Tradicionalisht, kodi i mafias perfshin vlera si respekti per autoritetin, besnikeria ndaj organizates dhe nje "ligj i heshtur", qe do te thote te mos flitet ose denoncohen krimet e ndermarrura nga anetaret e saj.

Mafia ka pasur nje ndikim te madh ne politiken, ekonomine, dhe shoqerine e vendeve ku ka vepruar, veçanerisht ne zonat e saj origjinale si ne Sicilia dhe te tjera vende te Italise. Per shkak te fuqise se tyre, organizatat e mafias jane shpesh shenderruar ne nje sfide te rendesishme per autoritetet dhe sundimin e ligjit. Per kete arsye, shume perpjekje jane bere nga autoritetet dhe organizatat nderkombetare per te luftuar dhe eliminuar kete fenomen te rrezikshem.

Ne perfundim, mafia eshte nje organizate kriminale e cila ka lindur dhe zhvillohet me kalimin e kohes, me strukture hierarkike dhe nje kod etik te vetin, por qe ne te njejten kohe eshte nje sfide per ligjin dhe paqen ne vendet ku operon. Kjo ka shkaktuar nje perpjekje te vazhdueshme per ta luftuar dhe perballuar ndikimin e saj.

ON TOP

KANGALL

E pash nje reels ne Instagram, ku nje bari teston qent e tij kangalla te cilet jane duke pushuar, nen hijen e nje shkembi aty pran kopes me dhen, kur papritmas fillon e bertet "kurt, kurt!!!" (uk, uk), pas cka qent menjeher zgjohen dhe vendosen ne gjah qe te gjejn eventualisht ku jane ujqit!?

Sigurisht ky nje eksperiment i çobanit, i regjistruar dhe i publikuar nga dikush per tu mburrur me besnikerine e qenve te tije. Qe ne fakt edhe e arrin qellimi per aq sa prezentohet ne video!

Por, tash vjen meselja tjeter! Menjeher me shkoj mendja tek njeriu i sodit, i zakonshem por me detyre, me pushtet! Sa here gjendemi ne situat qe te jemi ne dijeni per nje rezik, apo ndonje hile ose te keqe qe ndodhen rreth neve, e neve behemi sikur kurnisè nuk ndodhen, behemi sikur nuk n'gjojm, duke ia shtrosur gjumit pa mos na leviz qerpiku fare.

Sa here i dorzohet njeriu te sodit nje amanet amanet, pozit, buzhet, funkci, pushtet, kope, puntor, e cka mos tjeter, por ai pa i ber syri perc e shkel ate amanet, e abuzon ate pushtet, e lene nen meshiren e fatit ate kope qe ta shpartallojne ujqit sy pa frynur, e dini, ai as sa nje kangall nuk levizin nga vendi, pa prish rahatin fare!

More, nga njera ane te vjen lakmi kur e shef besnikrine e qenit diku atje ne mal. Nga ana tjeter te krijohet aq shume neveri kur te vine ndermen rastet konkrete qe i di te trdhetise te beses, mos mbajtje te fjales, shkeljes te besnikrise e miqesise, ...abe t'villet! Zot n'doren tone, se sun thom t'tbohena krejn kangalla!!!

QUEEN

FARAT

ABE Q.Q.T!

A e dini sa shtosa jon bo me Vand Damin edhe Enver Idrizin! Ka hala njerez qe ende nuk e ka pá filimin ku Enver Idrizi luan me Van Damin. Nje prej atyre jam edhe une. Biles, kastile e kom kerku, sun e kom gjet, ... nuk thom se nuk ó dikund, ama fakt eshte se nuk e kom pa!

Tash kjo ardhja e Vandamit ne Kosove shume njerezve edhe mua, sikur ua rahaton ni se mendjen e turbull dhe perfundimisht paten kenaqesi ti shohin Enverin edhe Zhanin bashke, ...kenaqesi aty per Klodin ta takoj edhe Ramushin. Me ndere i madhe per kombin ishte gjithashtu varja e shqiponjes ne qafe nga ana e Damit, ... abe q.q.t!!!

Gjithe kjo ma kujtoj ardhen e Pollatit para do viteve ne Maqedoni! A e dini sa shtosa jone bó edhe ne kete!? Hala qarkullojn sireta te pritjes madheshtore, te kuriozitetit dhe kenaqesise te takimit dhe qendrimit afer Alemdarit!

Po, vizita e perputhaxhive ne Maqedoni dhe efektet psiko-sociale te rinijës qe u diskutuan me te madhe atyre diteve. Po vizita e Klintonit dhe pritja e Rames edhe qortimi i ketyre dyve qe i bone Albin Kurtit, ...abe q.q.t!!! Po ardhja e Nojzit!!!!!?

Po, vizita e Bushit para do viteve dhe "vjedhja e sahatit"!? A u kujtohet sa hajdut na shpallen p.n., ... e, me ne fund dul se sekjuriti i ka thon Bushit: "...mister president, put ë uej dhë kllok, .. mó ta vjedhin"!!! ... dhe per mos bohet internashënall incident White House doli dhe foli se "presidenti vet e ka hek sahatin" dhe se "albanian peopel are very hospitable"!!! ...aq shume sa qe te vetin e çesin jasht e te huajin e mban mbrenda! Pa cka se 90 % e kane me t'lujtme *... !!!

Nobel people, me dy nobelista qe nuk kane dite te folin shqip! Pipell, ku veterani i UÇK i ngordhet proteston edhe vikaten midis te rruges "... doxhi, ...izaxhi kurvo!!!" ...kunder shqiptares Mimoza Kusari, pse ne nje situat me detyre politike ajo ka fol serbisht me nje deputet serb, dikur!!!! ....abe q.q.t!!! 

CRASH

EL KALEM

Kur Allahu Teala betohet per penen dhe ate qe shkruajn, une do heshti! Sot kemi integral suren el Kalem!

Me emrin e Allahut, te Gjithemeshirshmit, Meshireplotit!

Nûn. Betohem per penen dhe per ate qe shkruajne, se ti (o Muhamed), fale miresise se Zotit tend, nuk je i marre. Pa dyshim, ti do te jesh perhere i shperblyer, se ti je me virtyte madhore.

Se shpejti ti do ta shohesh, por edhe ata do ta shohin, se cilin prej jush e ka prekur marrezia. Zoti yt e di me se miri, se cili eshte shmangur nga rruga e Tij dhe, i njeh mire ata qe jane ne rrugen e drejte. Andaj, ti mos i degjo jobesimtaret!

Ata deshirojne qe ti te besh leshime, keshtu qe dhe ata te bejne leshime. Por ti mos iu bind çdo betari te perçmuar, shpifaraku, qe perhap thashetheme, penguesi veprash te mira, shkelesi dhe keqberesi, te ashpri qe, veç kesaj, eshte edhe kopil, vetem se eshte i pasur dhe ka shume djem. Kur i lexohen shpalljet tona, ai thote: “Keto jane vetem perralla te te lashteve!” Ne do t’ia damkosim hunden!

Ne i kemi vene ne prove ata (banoret e Mekes), ashtu siç i sprovuam te zotet e kopshtit, te cilet ishin betuar se ne mengjes do t’i vilnin frutat e nuk paten thene “Ne dashte Zoti”! Keshtu, kopshtin e goditi nje fatkeqesi nga Zoti yt, nderkohe qe ata po flinin dhe gdhiu si i kositur. Ne agim, ata thirren njeri-tjetrin: “Nxitoni heret ne kopshtin tuaj, nese doni t’i vilni frutat!” Dhe u nisen duke peshperitur: “Te mos lejojme asnje te vobeket qe te hyje ne kopshtin tone!”

Ata u nisen heret, te vendosur ne ate qe thane. Por, kur e pane kopshtin, ata thane: “Ne qenkemi vertet te humbur; madje, qenkemi te privuar (nga frutat e kopshtit).” Me i arsyeshmi nder ta tha: “A nuk ju thashe une se duhet ta lartesoni Allahun“?! “Lavderuar qofte Zoti yne! - thane - Ne paskemi qene vertet te padrejte!” Atehere filluan te qortojne njeri-tjetrin. “Ah, te mjeret ne! - thane ata - Paskemi qene vertet arrogante! Zoti yne mund te na jape nje kopesht me te mire, po te kthehemi te penduar tek Ai!”I tille ka qene denimi i tyre. Ndersa denimi ne jeten tjeter, eshte me i madh, veç sikur ta dinin!

Per ata qe ruhen (nga gjynahet), tek Allahu do te kete kopshte te kenaqesive. Valle, a t’i trajtojme ata qe Na nenshtrohen njesoj me keqberesit?!

Çfare keni ju (jobesimtare)? Si po gjykoni keshtu?! A keni ndonje liber, qe ju premton, se do te keni çfaredo, qe te zgjidhni?! Apo kemi bere me ju ndonje beselidhje te vlefshme deri ne Diten e Kiametit dhe, e cila ju siguron, se do ta keni ate qe keni urdheruar?Pyeti ata se kush i garanton per kete. Ose, mos kane ata bashkepunetore? Atehere le t’i sjellin bashkepunetoret e tyre, nese ajo qe thone eshte e vertete.

Diten (e Kiametit), kur te zbulohen shume ngjarje te frikshme, ata do te thirren qe te perulen ne sexhde, por nuk do te munden! Te ulura do te jene shikimet e tyre dhe do t’i mbuloje poshterimi, sepse kane qene te ftuar te peruleshin ne sexhde, sa qene shendoshe (dhe nuk kane pranuar).

Prandaj, me ler Mua me ata, qe e mohojne kete Fjale (Kuranin). Ne do t’i çojme ata hap pas hapi drejt rrenimit te tyre, me menyra qe ata nuk i kuptojne. Dhe do t’u japim atyre afat; vertet qe kurthi Im eshte i forte! A mos po kerkon shperblim prej tyre, keshtu qe qenkan te renduar nga borxhet? Apo ata e dine te padukshmen, keshtu qe e shkruajne?

Prandaj, duro per gjykimin e Zotit tend dhe mos u bej si Njeriu i Peshkut (Junusi a.s.), kur iu lut Zotit te vet i deshperuar (ne barkun e balenes) Sikur te mos i vinte meshira prej Zotit tend, ai do te hidhej ne nje shkretetire, i fajesuar! Por Zoti i tij e zgjodhi dhe e futi me punedrejtet. Kur degjojne Kuranin, mohuesit sa nuk te hane me shikimet e tyre dhe thone: “Ai eshte vertet i marre!” Por Kurani eshte vetem keshille per botet. (s68 el KALEM/ajetet prej 01 deri 52 - Kuran)

SPIDERMAN

LEVIZJE

Nje prej zhvillimeve te fundit ne vendin tone eshte shpalosja e ides per themilimin e nje Levizje te re e cila pretendon te funksionoj si Parti politike opozitare nen udheheqjen eventuale te Izet Mexhitit si eksponent kryesor dhe i vetem pas terhejkje te emrave tjere qe kohe me pare, vepruan dhe paralameruan formalizim te aktivitetit si fraksion brenda BDI-se.

Epo tash cka duhet me thone per kete!? Haj per hater te juve do te bejm nje elaborim teorik te konceptit "Levizje Politike" ne teorin politike!

Levizja politike eshte nje fenomen i rendesishem dhe i perhapur ne skenen politike te botes. Ajo perfaqeson nje grup individesh te bashkuar me qellim te perbashket politik, me synimin e ndryshimit te politikave, strukturave apo paradigmave ekzistuese ne shoqeri. Keto levizje mund te shfaqen ne nje game te gjere temash, perfshire kerkesat per te drejta civile, liri te shprehjes, drejtesi sociale, emancipim ekonomik, ndryshime klimatike, etj.

Levizjet politike perdorin strategji dhe taktika per te bashkuar mase te ndryshme te njerezve me synimin e arritjes se ndryshimeve qe kerkojne. Per kete, ato shpesh perdorin demonstrata, protesta, grupe te organizuara, dhe rrjete sociale per te sensibilizuar dhe angazhuar njerezit.

Levizjet politike zakonisht kane nje ideal ose vizione te perbashket per te ardhmen. Kjo mund te jete nje shoqeri me e drejte, ndryshime ne ligje dhe politika, apo mazallah zgjidhje per sfida globale.

Keto lloj levizjeje shpesh i ftojn individet te angazhohen ne procesin politik duke u bere pjese e protestave, zgjedhjeve, apo te ndertojne platforma politike alternative.

Ne shumicen e rasteve, levizjet politike perfshijne nje grup te gjere njerezish me shume piKpamje dhe interesa te ndryshme. Keto dallime mund te jene burim energjie, por mund te krijojne edhe konflikte ne brendesi te levizjes.

Levizjet politike kane potencialin per te ndryshuar shoqerine duke ndikuar ne politika, ligje dhe struktura sociale.Ato ndihmojne ne ngritjen e ndergjegjesimit per probleme te caktuara, duke bere qe shoqeria dhe qeveria te marrin masa per t'i zgjidhur ato.

Levizjet politike jane nje shenje e shendoshe e funksionimit te demokracise, sepse theksojne lirine e shprehjes dhe te drejten per te protestuar.

Ne boten e globalizuar, levizjet politike shpesh ndikojne jashte kufinjve te vendeve te tyre, duke krijuar nje ndergjegje te perbashket globale per çeshtje te rendesishme, ...edhe menjehere ketu me shkoj mendja te Levizja Qytetare Evropiane! Pas kesaj do ta ndali se pale ku do dal!

SHADOW OF A DOUBT

NXEHET

Ska si mos me u ndal edhe me shkrujt edhe ketu per nxehtin e kety diteve! Muhabet plot a: "...vap e madhe"!?, "...u kallem"! "...n'xhehennem me nxehet!!, "... do ta kerkoni ju kete n'xeht dimrin!" ...turli shprehje kreative!

VaAllah, pak si dys e kom marr, pa merak, dite vere pa cka se nxehet, elhamduliah! Ja per shembull, sa dite e kendeshme mund te jete nje dite vere e nxehet si kjo!

Para dite me obligime te pa shmangeshme! Suksesi i evladit te flladit krenarin dhe te shton bindjen ne vendoshmerin qe ia vlen sakrifica! Mysafiret e mireseardhur te shtojn bereqetin e ruajn muhabetin dhe e ripertrine dashurine!

Femijet u gezohen macave, nuk i tremben diellit, e bejn lloç dynjan me uje duke u lagur neper gjelbrim, vrapojn ne rruge, ma dys se une, von nuk u bohet, elhamduliah!

Aty eshte bodrumi, e ben t'vete, aty fllad i madh, freskia e abdesit te rizgjon, qetsia e namazi te frumzon, krativiteti i instantArt-eve, leximi i Kuranit, reflektimi mbi miresit, pergaditja per sfidat, sebepet dhe pasoja, qet', dys, elhamduliah!

...nxehet! ...n'aksham: "... u flladit e bekumja pak"! Elhamduliah!

TAFA

LEON

PLATOLARI

Nje koncept i ri kreativ dhe interaktiv por edhe rrjedhimisht edhe edukativ po prezentohet koheve te fundit ne Turqi, me qellim promovimin, dhe motivimin e ruajtjes te trashigimise kulturore qoft per promovim te mbrendeshem qofte per promovim te jashtem.

Produkcioni i filmit BOZDAG qe ka prodhuar ne dekaden e fundit serialet gjigante si Dirilis Etugrul dhe Kurulus Osman dhe disa te tjere, ka hapur per publikun platot e pikave kryesore te vendeve (seteve) ku jane gjiruar sezonet e fundit te serialit Osman duke afruar nje atraksion ekskluziv per ndjeksit e ketij seriali por jo vetem, duke i bere keto pika si destinacion atraktiv i te pasionuarve te historise osmane.

Kreariviteti konsiston ne faktin qe disa pika, sic duket mbi pese, paraprakisht jane adaptur qe ne realitet te jene totalish funksionale ne sherbim te producionit per gjirimet e epizodave por ne te njejten kohe edhe plotesish te vizitueshme ne kohe reale si ambiente, ne proporcion real per cilindo dhe ne cdo kohe, duke rikrijuar monumente historike, si kala, qyteza, tregje, çadra, e cka mos tjeter duke sjell ambiente historike si nje sken teatrore ne pellemben e vizitorit.

E fundit dhe plotesisht mahnitese, ne momente kur ofrohen shfaqet duke nderuar te pasionuarit e ketij seriali, produkcioni ne keto ambiente, vecanerisht ne piken ku jane vendosur çadrat e fisit Kaya, ne sken vine aktoret e serialit, te veshur me kostume autentike te tyre sic njihen nga seriali te cilet performojn dhe rrjedhimisht bien ne interakcion me vizitoret duke i bere edhe ata drejtpersedrejti pjese e nje shfaqe te madhe dhe shume mbreslenese per ata.

Sa mund te shihet nga ajo qe publikohet e regjistruar per publikun e gjere ne rrjetet sociale, ambenti qe krijohet aty eshte fantastik dhe shume motivues, sidomos kur jepen intervistat e te pasionuarve nga e gjithe bota qe shpren qe "po jetojn endrren" duke udhetuar ne kohe dhe duke u bere pjese e hisotirise ne kohe rale.

Kjo sigurisht qe kuptohet se eshte performance edhe per motive komerciale, por asesesi nuk mund te mohohet ideja gjeniale sidomos ne kete kohe te ideve te cmenduara vetem dhe vetem per te terhekur vemedje, ku ne kete rast behet ne nderlidhje e idese, funksionit, perfitimit, por edhe i koralcionit dhe promovimit per nje interes me te gjere si nje vlere e shtuar e asaj qe mund te jete dobi dhe promovim i trashigimise kulturore dhe historike te nje identiteti te caktuar. Fantastike!

SKATEBOARD

HALLA HILE

Thash do shkruj prap per gjithe kete hipokrizine dhe demagogjin qe ndodhen ne Kosove, si ne skenen politike ashtu edhe ne media, ne lidhje me ngjarjet e fundit atje, ama thash me vete lene, kur Albinit nuk i bohet vone, pse me u merzit une halla Hile!!!!?

Do shkruj per fenomenin qe sa here qe e hasi me sjell lot ne sy, se si te rinje dhe te reja gjithandej ne bote po deshmojn dhe e deklarojn pranimin e Allahut Nje dhe faktit qe Muhamedi a.s. eshte i Derguar i Allahut!

Sot kete fenomen me ekspansionin e rrjeteve sociale e hasim perdite edhe me shume te shoqeruar me rrefime emocionale te motiveve dhe momenteve qe sjellin keta te rinje ne rrugen e drejte dhe te hajrit, rrugen e shpetimit, duke deshmuar ne veper Meshiren e te Plotefiqishmit ndaj robit te sinqert, i penduar dhe i gateshem te jete musliman (i perulur me adhurim para Krijuesit)!

Nje gje te ngroh zemren dhe te kenaqen shpirtin kur je deshmitar i manifestimit te nurit ne fytyrat e ketyre muslimaneve te rinje gjerman, amerikan, anglez, spanjol, italian, e shume e shume te tjere gjithandej botes, ...mbreslenese pa dyshim.

Por edhe nje gje sigurisht, si indivit, si njeri, si shqiptar i ndikuar subjektivisht nga konstrukti shoqeror i atedhedashurise, i vleres tone shqiptare, me brengos, shpresoj pa arsye reale, shqetesohem qe mos ndodhen fenomeni i paralajmeruar nga Allahu Fuqiplote ne Suren Mâ'ide ne ajetin 54 kur thot: "O besimtarë! Nëse ndokush prej jush braktis besimin e vet, dijeni se Allahu do të sjellë njerëz, që i do dhe që e duan; të përulur me besimtarët dhe të ashpër me femohuesit; që luftojnë në rrugën e Allahut dhe nuk i tremben qortimit të asnjë qortuesi. Kjo është mirësia e Allahut, të cilën Ai ia jep kujt të dojë. Allahu është Bujar i madh dhe i Gjithëditur."

Epo hë!!!!? Halla Hile, ...vazhdoje me tutje kete muhabet, duke folur edhe me tutje ju per krenarin laramane, per hajnin, per kurverin, per tradhetin, per "trimerin" ndaj te vetit dhe servilizmin ndaj te huajit, duke fol ju per profiteret, per mashtruesit hipokrit dhe argat te djallit vete, ...vazdoni!

NIGHT RIDE

LAVAZH I TRURIT

“Kam lexuar kaq shume libra, por shume prej tyre i kam harruar. Atehere cili eshte qellimi i leximit?” Kjo ishte pyetja qe nje nxenes i beri dikur mesuesit te tij. Mesuesi nuk u pergjigj ne ate moment. Megjithate, pas disa ditesh, ndersa ai dhe nxenesi i tij ishin ulur prane nje lumi, ai i tha nxenesit se kishte nevon per uje dhe i kerkoi djalit t'i sillte pak uje duke perdorur nje site te vjeter te ndotur qe ishte aty pran e hudhur ne toke.

Nxenesi u hamend, sepse e dinte se ishte nje kerkese pa asnje logjike. Megjithate, ai nuk mund ta kundershtonte Mesuesin e tij dhe, duke marre siten, filloi te kryente kete detyre absurde. Sa here qe zhyste siten ne lume per te nxjerre uje per t'ia çuar Mesuesit te tij, ai nuk mund te bente as edhe nje hap drejt tij qe te mos mbetej asnje pike ne site.

Ai u perpoq dhe u perpoq me dhjetera here, por, aq sa u perpoq te vraponte me shpejt nga bregu te Mesuesi i tij, uji i kullonte neper te gjitha vrimat e sites dhe humbej gjate rruges.

I rraskapitur, me ne fund u ul prane Mesuesit dhe tha: “Nuk mund te marr uje me ate site. Me fal, eshte e pamundur dhe kam deshtuar ne detyren time"! “Jo – u pergjigj plaku duke buzeqeshur – nuk ke deshtuar. Shikoje siten, tani eshte si e re. Uji, duke u kaluar neper vrimat e tij, e ka pastruar ate"!

"Kur lexon libra - vazhdoi Mesuesi plak - je si sita dhe ato, librat, jane si uji i lumit"! “Nuk ka rendesi nese nuk mund te ruash ne kujtese te gjithe ujin qe bejne te rrjedhe ne ty, por librat gjithsesi, me idete, emocionet, ndjenjat, njohurite e tyre, te verteten qe do te gjesh mes faqeve te tyre, do te pastrojen mendjen dhe shpirtin tend dhe do te bejen nje person me te mire dhe me te paster. Ky eshte qellimi i leximit”.

KOPITA

ÇMIMI

Cka prodhon propaganda per te cilen shkrujta dje mund te shihet sot me rezultat konkret nga ana e veprimeve idiote te individeve qe vendosen sot ta sulmojn Albin Kurtin ne foltoren e Kuvendit te Kosoves!

Po shihet qarte se po u shteret iniciativa dhe kreativiteti per te bere opozitarizmin, a mos flasim per mungesen totale te ofertes politike. Gjat gjithe kohes me nje fjalor shterp po ndjellin urejtje nder njerzore duke manifestuar patologji ndaj cdo gjeje qe nuk perkon me bindjet e tyre individuale mediokre.

Mungesa e kultures ne komunikim dhe mugesa e permbajtjes, per fate te keq po e nxjer ne pah ne pezhorativ ate per te cilen na akuzojn te tjeret kur duan te na goditin nen brez, po e nxjer provincializmin dhe bajraktarizmin banditesk i cili historise i ka mbijetuar vetem me bashibuzuk, ku plackitja eshte arsyetuar dhe kremtuar si aftesi e te fortit.

Fatekeqesisht kjo manifeston totalisht mungesen e emancipimit politike te nje pjese te shoqerise, e cila edhe pse, doren ne zemer ka vleren dhe relevancen ne shteteformesin e Kosoves, por nga ana tjeter eshte totalisht injorante ne ruajtjen e kesaj arritje historike.

Per fund me duhet te gjithe ta perfundoj me optimizem, sepse besoj thelle se e gjithe kjo eshte pasoj e pa shmangeshme e nje procesi i cili duhet ndodhur per te avancuar ne çeshtje, nga ku dikush munde te perfundoj ne anen e lavdishme te historise e dikush do te perfundoj i turperuar, bile i harruar pa dyshim.

XHUBLETA

BERI

Po e shoh sporadikisht, here pas here si Berat Buzhala ne formatin e tij te berit media ne portalin Nacionale se si mundohet, tekstualisht qe nga pleshti te nxjere vjam', kur trajton matrialet e pergjimit te nje bisede ne zyrat e Kuvendit te Kosoves vitin e kaluar ne mese deputetes te VV Mimoza Kusari dhe nje deputeti te Listes Serbe Sllavko nuk e di kushi!

Sinqerisht nuk e di, as jam munduar te kuptoj sakte kontekstin e bisedes qe ka ndodhun nje vite me pare, por ne dry-tre raste e kam pa se si mundohet Beri ta vendos te gjithe ngjarjen ne kontekst te aktualiteteve te ketij viti!

Duke mos dasht as pak qe eventualisht, mazallah, ta mbroj nese ka ne kontekst te bisedes qe eshte zhvilluar dicka me tendence kriminale nga ana e Mimozes, nje gje munde ta rikonfirmoj si qendrim qe e kam krijuar tash e sa vjet, qe Berat Buzhala eshte nje profiter klasik i cili Media-n e perdoren exlusivisht per senzacion ku si vegel baze ka insinuaten edhe ateher kur ne dore e ka te verteten e lene me' kur me cdo kusht per te krijuar senzacion nuk kursen aspak, asken nga shpifjet dhe makjacionet e tij.

Eshte pamohueshem evidente se ai te gjithe e bene vetem dhe vetem te perfitoj nga shikueshmerija dhe efekti direkt qe shkakton kjo shikueshmeri si kundervlere matriale ne te holla nga monetizimi qe ka ne rrjetet sociale.

Personi ne fjal eshte paster ne sherbim te propagandes, vazhdimisht me tendenc te dezinformoj, dhe potencialisht te shty agjenden e vete qe e vendosen ne sherbim te atyre qe mund ti instrumentalizoj perseri per motive te perfitimeve personale.

Indirekt bene vetem nje sherbim per shoqerin dhe politiken ne Kosove, ajo qe trajnon nervat e establishmentit politik dhe per efekt e demostron egzistencen e demokracise dhe lirine e shprehjen ne MEDIA ne Kosove, si askund tjeter ne bote.

SHPELLA

RRUGICA

MA NEMOJ!!?

A per ironi, a per budallallek, shume pak per rastesi ama shume qe shume per marrezi, prep ketyre diteve ne disa mure ne Gostivar u shfaqen grafitet shoviniste te tipit "vdekje per shqiptaret"! Cfar idiotsije bashekohore!?

Te paren gje qe me dashamiresin me naive qe mund ta mendoj eshte qe: dy a tre djem te ri ne pubertet, followersa te ndonje grupi prej ketyre "tvedekorni" qe kane rruajt koken, qe duke bó brainstorming ne Viber grupe, kane perfundu me brainwashing, edhe kane marre sprejat edhe kane bo grafite, pune cullesh!!! A thu kaq e thjesht!?

Apo mazallah ne YouTube kane pà videon e kasapit Ratko Mlladiçit, i cili pasi qe i merre rrob burrat boshnjak ne Srebrenice qe iu dorzuan nga forcat ushtarake hollandeze te UN-it, ne nje koder ne periferi te qytetit thot para nje kamere: "... doslo je vreme da se osvetimo za 500 godina turskog robstva!" ("erdhi koha te hakmerremi per 500 vite robni turke") ... dhe tjetra eshte nje histori e dhimbeshme e asaj qe njihet si 'masakra e  Srebrenices' me mbi 8000 viktima qe ndodhi ne muajin korrik te vitit 1995! 

Mos Allah, ketyre ua ka pí sorra menden edhe fillojn edhe fantazohen dhe motivohen me kesi lloj deklarata edhe pastaj, nuk e di sa me naivitet, dalin edhe veprojne me kesi soj parrullash!!!?

Ku do qe eshte aty diku ne mes e verteta e hidhur, fakti qe po deshmohet qe budallalleku njerezor ska kufi, duhet te na alarmoj qe ne minimum ne realitet te mos jemi aq naiv sa qe te na dyket loj, ama nga ana tjeter nuk duhet edhe aq shume me çaj koken me turli far pianeci apo mersulaveci te frustruar!

p.s. Lexoni edhe postin e vitit te kaluar "kurre"!

SREBRENICA

TEKNIKA

San Tzu ne librin 'Arti i Luftes' te kapitulli i peste Energjia pervec tjerave ne piken e shtatembedhjet (17) shkruan: 

"Çregullimi i aktruar paraqet discuplinen e perkryer, frika e aktruar paraqet trimerine edhe dobesia e aktruara paraqet forcen."!

Si mendoni, keta qe vazhdimisht sot jane ne beteja te ndryshme, beteja politike, konflikete interesi, pretendime per kapje pushteti, dominim dhe glaberim ekonomik, mendoni se nuk i dine kete gjera!?

Ju mund te mendoni cka te doni, por une e di sigurte se ata qe kane synimet e lartepernenduar i dine keto gjera mire, ata e dine edhe, piken 18 ku thuhet: "Fshehja e rendit nen petkun e çrregullimit eshte thjesht nje çeshtje e percaktimit te botekuptimit. Fshehja e trimerise nen paraqitjen e frikes presupozon pasjen e energjise se fshehur. Maskini i forces me dobesi influencohet orej dispozitave taktike." 

Pika 19: "Pra ai i cili eshte i shkathet te mbaj armikun ne levizje, ai e mban paraqitjen e vete mashtruese ne vemendje, ne baze te se ciles armiku do te veproj. Ai sakrifikon dicka, qe ne ate menyre armikunte provoj ta kap ate." ...dhe keshtu me radhe!

E thjesht, te gjithe qe merren me veprimtari ku egzistojn kunterthenje, ku ka konkurence, ku manifestohet rivalitet, aty ku duhet implementuar strategji veprimi, ata te gjithe perdorin taktika dhe teknika per ta mundur njeri tjetrin, ...ndonjeher pavarsisht çmimit apo sakrifica qe duhet bere.

Eh, tash mendoje, çka nese sakrifica je ti, e cka nese çmimin duhet ta pagujsh ti!? Nje gje te ngelen per ta bere seriozish, ose ta lexojsh San Tzu ose ta shajsh ate qe i ka mesuar me keto trika!

SKY DIVING

TA DINI!

Sa i sakt eshte Allahu, sa konkret edhe i drejt ne komunikim me njeriun qe dón te kuptoj dhe te keshillohet qe ti kete kuptim jeta apo e gjithe ajo me te cilen sot e perdite ballafaqohet dhe sfidohet.

Sa i Meshirshem, sa Bujar, sa e dò njeriun duke i dhene gjithçka per te cilen ai (njeriu) ka nevoj, duke i dhene furnizim dhe udhezim! Duke ia bere me dije çdo gje, duke na folur direkt, per çdo dite dhe per çdo kohe, "Ta dini, ..."!!!

"Ta dini, se jeta në këtë botë, nuk është tjetër veçse lojë, dëfrim e zbukurim, si dhe mburrje ndërmjet jush e rivalitet për më shumë pasuri dhe fëmijë! Ajo i shëmbëllen bimës, e cila pas shiut rritet dhe i gëzon bujqit, por më vonë zverdhet, thahet dhe mbetet pa vlerë. Në botën tjetër ju presin vuajtje të mëdha ose falja e Allahut dhe kënaqësia e Tij; jeta në këtë botë është vetëm kënaqësi e rreme." (s57/a20 - Kuran)

Hajt tash, a i japim edhe pak zor, a ta shtrengojm edhe pak, a ta ngushtojm edhe pak!? A te ia nxjerin shpirtin njeri tjetrit, ...a do fryhesh ti me miliona e tjetri me "miljarda" (t'maqedonijes), e dikush pa hiç!? Tash, si thu ti, a e ke kuptu qe jeta në këtë botë është vetëm kënaqësi e rreme!?

Duhet me e liru pak, po jo pak vec, por pak si shume, sepse, as kupen e qiellit sun e mbrim, as malit n'shkel sun i bim!!! "Xhindet dhe njerëzit i kam krijuar vetëm që të Më adhurojnë." (s51/a56 - Kuran) ...tjetra eshte loj eglenxhe!

TE NEY

KINGI

Haj te kthehem edhe ketu te shkruj per turin e vizitave te Edi Rames ne vendet perreth Shqiperise ne dy ditet qe lame pas! E di, jo qe kjo mungon, por thjesht qe te jese e shkrume dhe ketu. Siç po thon miqet tane: "le kese, pa xhi se do jese!"!!!

Arsyet e vizites shumica i paragjykuan me nje qasje nihiliste, edhe pse vete Kryeministri i Shqiperise i arsyetonte me nevojen e parapergaditjes per ate qe njihet si perkrahje e 'procesit te Berlinit' dhe eventit qe do te mbahet ne Tirane aty nga tetori i ketij viti sa i perket orientimit dhe integrimit euro-atlantik te vendeve te Ballkanit Perendimor.

Edhe pse e gjithe kjo ne kontekstin e deklaruat duhet te konsiderohet e arsyeshme dhe relevante, si pjese e diplomacise dhe politikberjes rajonale, ashtu sic e konsideruan besoj te gjithe shtetet nikoqire dhe perfaqesuesit e larte te tyre, por prapeseprape e gjithe ngjarja u shenuar me DIS-in qe i beri Albin Kurti Edi Rames, me mos pritjen zyrtare ne Kosove nga ana e Kryeministrit te Kosoves!

Momenti u diskutua, u ri debatua ne studio televizive dhe konferenca shtypi, u perfol ka mos me plot ironi por edhe me seriozitet ne rrjetet sociale, u kometua dhe u keshillua nga kush mbrrini. U quajt King Edi, e quajti King Glaukun, u thane e u thirren me turli epitetesh epike, qe ne fund te dites edhe mund te ishin te meritueme ne superlativ.

Une e besoj se Edi Rama edhe perskaj faktit qe behet evident shpesh here se "vuan" nga protagonizmi, Ai e deshmon se eshte ne nivelin e duhur te profilit qe e nderton ne funksionin e rolit qe ka si Kryeminster i nje Shteti antare i NATO-s, per asgje inferior ndaj homologeve te tij ne rajon dhe me gjere, dhe mund te pajtohem se me te drejt dikush ne momente te caktuara i nveshen epitetin, gjigand, king etj.

Ama Albin Kurti, sic duket qarte, nga ana tjeter e ka marre tekstualisht ate thenjen: "Walk like a King or someone who doesn't care who the King is" apo "Ec si Mbret ose si dikush qe nuk i behet vone kush eshte Mbreti" ...duke e deshmuar keshtu qarte ne nje situat serioze se edhe ai eshte shume serioz ne vendoshmerine qe ka per te luajtur rolin e Kryeministrit te nje Shteti Serioz me sfida serioze pa zero protagonizem, dhe se madje eshte KINGI ne ardhe se verteti!

Kaq ketu qe mos filloj te thuri elegji, per tjerat shkoni ndiqni ditaret e Buzhales, Live Streamingat e Edi Rames, profilat profitereve qe manipulojn me opinioni publik, ketu vetem e keni piKpamjen tone.